လောကကြီးမှာ တချို့သူတွေက ငွေလွယ်လွယ်နဲ့ ရှာနိုင်ကြပြီး တချို့တွေကျ လုံးလည်ချာလည် လိုက်နေကြတယ်လို့ တွေးမိဖူးပါသလား။ မှန်ပါတယ်။ တချို့သူတွေက ငွေရှာပိုကောင်းတတ်ကြပါတယ်။ သတင်းကောင်းတစ်ခုပေးပါမယ်။ ငွေရှာတဲ့နေရာမှာ ဆရာတစ်ဆူဖြစ်အောင် လေ့ကျင့်ယူနိုင်ပါတယ်။ ပိုပြီးကောင်းတဲ့ သတင်းတစ်ခုရှိပါသေးတယ်။ ငွေ လွယ်လွယ်နဲ့ ရှာနိုင်မယ့် နည်းလမ်းငါးခု အောက်မှာ ရှိပါတယ်။

၁. အဆင်မပြေဖြစ်တာကို အသားကျအောင် လေ့ကျင့်ယူပါ

လူတိုင်း သက်တောင့်သက်သာ နေချင်ကြတာချည်းပါပဲ။ သက်တောင့်သက်သာနေရဖို့ဆိုတာ အလယ်အလတ်တန်းစားလူတွေရဲ့ အဓိကရည်ရွယ်ချက်ဖြစ်နေတတ်ပါတယ်။ ပြောစရာရှိတာက သူဋ္ဌေးတစ်ယောက်ဖြစ်ဖို့ မလွယ်ကူပါဘူး။ သက်တောင့်သက်သာနေရအောင် ကြိုးစားနေရင် သူဋ္ဌေးဖြစ်ဖို့ အနှောင့်အယှက် ဖြစ်ပါတယ်။

ငွေများများရှာချင်ရင် သက်တောင့်သက်သာမရှိတဲ့ဘဝထဲမှာ အဆင်ပြေပြေနေတတ်ရပါမယ်။ ချမ်းသာချင်ရင် တစ်ခုခုပေးဆပ်ရမှာပါ။ ခဏလေးပေးဆပ်ပြီးရင်တော့ တစ်သက်လုံး သက်တောင့်သက်သာ နေသွားနိုင်ပါပြီ။ သက်တောင့်သက်သာမရှိပေမယ့် ငွေဝင်ဖို့ အထောက်အကူပြုတဲ့ အလုပ်ငါးခုကို ဒီနေ့ပဲ စလုပ်လိုက်ပါ။

၂. ချမ်းသာဖို့အကြောင်းပဲ စဉ်းစားပါ

သာမန်လူတွေကတော့ လွှမ်းမိုးခံရတာကို မကောင်းဘူးပဲ ထင်ကြမှာပါ။ အမှန်ကတော့ ချမ်းသာတဲ့သူတွေဟာ အောင်မြင်မှုရဲ့ လွှမ်းမိုးမှုကို ခံနေရတာ ချည်းပါ။ ချမ်းသာတဲ့သူတွေဟာ ဘဝနဲ့ စီးပွားရေးကို ဂိမ်းတစ်ခုလို့ မြင်ပါတယ်။ သူတို့ နိုင်ရမယ့်ဂိမ်းပါ။ သန်းနဲ့ချီပြီး ချမ်းသာတဲ့သူတွေ ဘာကြောင့်ဆက်ပြီး ငွေရှာနေလဲဆိုတာ အကြောင်းရှိပါတယ်။ သူတို့ဘဝမှာ ငွေဟာ အရေးမဟုတ်တော့ပါဘူး။ အောင်မြင်မှုနဲ့ အလုပ်ပြီးမြောက်မှုကိုသာ အလေးထားကြတာပါ။
ချမ်းသာချင်စိတ်ရဲ့ လွှမ်းမိုးမှုခံရတာဟာ မမှားပါဘူး။ ဘဝမှာ အောင်မြင်ဖူးတဲ့သူတွေဟာ ပိုအောင်မြင်တတ်ကြပါတယ်။ အောင်မြင်မှုရဲ့ ခံစားချက်က ဘယ်တော့မှ အိုဟောင်းမသွားပါဘူး။ ငွေများများရှာချင်တယ်ဆိုရင် ကိုယ် ဖြစ်ချင်တာကို စဉ်းစားပြီးတော့ အဲဒါကိုရဖို့ ဘာတွေကို စတေးနိုင်လဲ ဆိုတာ ဆုံးဖြတ်ပါ။ သင့်ရဲ့ ကိုယ်ပိုင် စည်းကမ်းနဲ့ ဆုံးဖြတ်ချက်ဟာ ရည်မှန်းချက်နဲ့ ထပ်တူညီနေရပါမယ်။

၃. ငွေကို မိတ်ဆွေလို့ သဘောထားပါ

လူတော်တော်များများက ငွေကို ရှားပါးထူးဆန်းတဲ့၊ ရဖို့ခက်ခဲပြီး ထိန်းသိမ်းဖို့က ပိုတောင်ခက်ခဲတဲ့ အရာအဖြစ် မြင်တတ်ကြပါတယ်။ ငွေများများလာအောင် ဆွဲဆောင်ချင်ရင်တော့ ငွေကို သင့်ရဲ့ အကောင်းဆုံးမိတ်ဆွေလို့ မှတ်ယူထားလိုက်ပါ။ အခက်အခဲအားလုံးကို အဆုံးသတ်ပေးမယ့်၊ သင့်ဘဝကို ကယ်တင်ပေးမယ့် မိတ်ဆွေကောင်းကြီး အနေနဲ့ပေါ့။ လူချမ်းသာတွေဟာ ငွေကို သူတို့ကို အကောင်းဆုံးကူညီပေးနိုင်တဲ့ မိတ်ဆွေကြီးအဖြစ် မြင်တတ်ကြပါတယ်။ အဲဒိအမြင်က သူတို့နဲ့ ငွေကြား ဆက်ဆံရေးကို ပိုပိုပြီး ကောင်းလာစေပါတယ်။ ငွေကို ကိုယ့်မိတ်ဆွေအဖြစ် အသိအမှတ်ပြုပါ။ သင့်စိတ်က ငွေပိုရအောင် စွမ်းဆောင်ပေးပါလိမ့်မယ်။

၎.ငွေရဲ့ လျှို့ဝှက်ချက်တွေကို ရှင်းဖို့ မကြိုးစားပါနဲ့

လူအများစုဟာ ငွေရှာတာက ထူးဆန်းလျှို့ဝှက်တယ်လို့ မြင်ထားကြပါတယ်။ အမှန်ကတော့ ငွေဆိုတာ စိတ်ကူးစိတ်သန်း အကြံဉာဏ်တွေကနေ ထွက်ပေါ်လာတာပါ။ စိတ်ကူးစိတ်သန်းများများရှိလေ ချမ်းသာလေလေပါပဲ။ ဈေးကွက်စီးပွားရေးဆိုတာ ငွေကို အကြံဉာဏ်တွေနဲ့ လဲတာပါ။ အကြံကြီးလေ ကောင်းလေ ငွေရလေပါပဲ။
ချမ်းသာသူတွေက ပိုတော်ကြတာ မဟုတ်ပါဘူး။ ကံပိုကောင်းလို့ ပညာပိုတတ်လို့လဲ မဟုတ်ပါဘူး။ လျှို့ဝှက်ချက်တွေ မရှိပါဘူး။ ငွေအကြောင်း ဘာမှမသိသေးတဲ့ ကလေးလေးတစ်ယောက်လို၊ အကုန်လုံး လိုချင်တာရတဲ့သူတစ်ယောက်လို ချဉ်းကပ်ပါ။ ငွေရှာတာ မလွယ်ပါဘူး။ ဒါပေမယ့် ရိုးရိုးလေးပါ။

၅. ပျော်ပျော်နေပါ

လူတွေမချမ်းသာရတဲ့ အကြောင်းတစ်ခုကတော့ သူဋ္ဌေးဆိုတာ အချိန်တိုင်း အလုပ်လုပ်နေရတာဆိုပြီး အထင်မှားတတ်ကြလို့ပါ။ လူတော်တော်များများအတွက်ကတော့ ငွေဆိုတာ အချိန်နဲ့ ပေးဝယ်ရတာပါ။ ကြာကြာလုပ်မှ များများရတာပါ။ သူဋ္ဌေးတွေကတော့ အဲလို မဟုတ်ပါဘူး။
ကိုယ့်ဘာသာကြိုးစားလာတဲ့ သူဋ္ဌေးအများစုမှာ ပျော်စရာဘဝတွေ ရှိကြပါတယ်။ သူတို့ လုပ်ချင်တာ လုပ်နေရင်းနဲ့ ရင်းနှီးမြှုပ်နှံမှုတွေကနေ ငွေ တစ်နေ့လုံး ဝင်နေတာပါ။ သူတို့မှာ အပျော်ခရီးထွက်ဖို့ အချိန်တွေ ရှိပါတယ်။ ဝါသနာပါတာတွေ လုပ်နိုင်ပါတယ်။ သူတို့မိသားစုတွေနဲ့လဲ အေးအေးဆေးဆေးနေနိုင်ပါသေးတယ်။

ချမ်းသာသူတွေရဲ့ဘဝဟာ တခြားလူအားလုံးထက် ပျော်စရာကောင်းပါတယ်။ သူတို့ လုပ်ချင်တာအားလုံး လုပ်လို့ရနေပါတယ်။ လူတိုင်း ပျော်စရာဘဝရှိပြီး လက်ဖျားငွေသီးနေတဲ့သူ ဖြစ်ချင်ကြမှာပါ။ ချမ်းသာအောင် အခုပဲ အချိန်ယူ ကြိုးစားလိုက်ပါတော့။

Aung Ko Latt

(ရာမညမြေ)

သင်
အသက် ၂၀ - ၂၈ ဆိုလျှင်
ဒါကိုမဖြစ်မနေဖတ်ပါ

(အလွတ်ရသလောက်နီးပါးဖြစ်အောင် ဖတ်ထားလိုက်ပါ အကျိုးရှိပါတယ်.).

အသက် (၂၀)ကျော်အရွယ်ဟာ ဘ၀မှာ အကောင်းဆုံးအချိန် ဖြစ်ပါတယ်။ ခန္ဓာကိုယ်မှာအပြောင်းအလဲတွေဖြစ်လာသလို မိဘတွေကလည်း အရွယ်ရောက်လာသူတစ်ယောက်အနေနဲ့ ဆက်ဆံလာချိန်ဖြစ်ပါတယ်။ ပြီးတော့ ဒီအရွယ်မှာ ငွေရှာဖို့အတွက်ကိုလည်း အရမ်းကိုစိတ်အားထက်သန်နေပြီ ဖြစ်ပါတယ်။ ဒီအရွယ်မှာ သင့်အနေနဲ့ ဘွဲ့တစ်ခုခုရပြီးသည်ဖြစ်စေ မရသေးဘူးဖြစ်စေ၊
(၂၀)ကျော်အရွယ်နဲ့ နောက်ပိုင်းမှာ အောင်မြင်ဖို့အတွက် စတင်ပြင်ဆင်တတ်ဖို့အရေးကြီးပါတယ်။ အများစုကတော့ ဒီအချိန်မှာ ထူးထူးခြားခြားပြောင်းလဲမှုတွေကိုလုပ်ဆောင်ဖို့နဲ့ ကြီးကြီးမားမားအောင်မြင်မှုကို ရယူဖို့က အရမ်းငယ်သေးတယ်လို့ ယူဆတတ်ကြပါတယ်။ တကယ်တော့ အသက်(၂၀)ကျော်အရွယ်ဆိုတာ သင့်ရဲ့ဘ၀ တလျှောက်လုံးမှာ အောင်မြင်မှုတွေဆွတ်ခူးရယူနိုင်ဖို့အတွက် အလေ့အကျင့်ကောင်းတွေကို စတင်ပျိုးထောင် မွေးမြူသင့်တဲ့အချိန်ပဲဖြစ်ပါတယ်။ ဒါ့ကြောင့် (၂၀)ကျော်တွေအတွက် ဒီနေ့လုပ် မနက်ဖြန်မှာ ထူးခြားချက်တွေ ခံစားရမယ့် လုပ်ဆောင်စရာ(၇)ခုကို ဖော်ပြလိုက်ပါတယ်။

၁။ လေ့လာသင်ယူပါ။

သင့်ရဲ့ပညာရေးကိုဆုံးခန်းတိုင်ပြီလို့ မသတ်မှတ်လိုက်ပါနဲ့။ ဆက်လက်လေ့လာသင်ယူနေဖို့လိုပါတယ်။ ဒီလိုပြောလို့ အလုပ်ထွက်ပြီး MBA ဘွဲ့သွားယူဖို့ ဆိုလိုတာမဟုတ်ပါဘူး။ သင်တတ်နိုင်သမျှ အရာအားလုံးကို သင်ယူတတ်ဖို့ပဲဖြစ်ပါတယ်။ ဘာမဟုတ်တဲ့အရေးကိစ္စအတွက် အချိန်တွေအလဟဿကုန်ဆုံးနေမယ့်အစား အခမဲ့တက်ရောက်နိုင်တဲ့ သင်တန်းကျောင်းတွေမှာ လေ့လာသင်ယူပါ။ အချိန်မရှိဘူးဆိုရင်လည်း အွန်လိုင်ကနေ အခမဲ့သင်ကြားပေးနေတာတွေရှိပါတယ်။ ကြိုးစားရှာဖွေ လေ့လာပါ။

၂။ အမှားလုပ်မိဖို့ မကြောက်ပါနဲ့။

အမြန်လှုပ်ရှားရင် မတော်တဆမှုတွေဖြစ်တတ်ပါတယ်။ ဒါပေမယ့် မတော်တဆမှုကိုကြောက်နေရင် မြန်မြန်လှုပ်ရှားနိုင်မှာမဟုတ်ပါဘူး။ လူအများစုက အလုပ်ပြောင်းတာလိုမျိုး ထူးခြားတဲ့ပြောင်းလဲမှုတွေ လုပ်ရမှာကို မှားသွားမလား စိုးရိမ်ကြောက်လန့်တတ်ကြပါတယ်။ သင့်အတွက် တစ်ခုခုအဆင်မပြေဘူးခံစားရရင် ရုန်းထွက်ဖို့အတွက် ကြောက်နေလို့ မဖြစ်ပါဘူး။ နယ်ပယ်သစ်မှာ သင်အခက်တွေ့ချင်တွေ့နိုင်ပါတယ်။ ဒါပေမယ့် ဒီလိုရုန်းထွက်လိုက်မှသာ သင်နဲ့ကိုက်ညီမှုကို ရှာဖွေတွေ့ရှိနိုင်မှာဖြစ်ပါတယ်။ တစ်ခုမှတ်ထားရမှာက သင်ဘယ်ကြိမ်ရှုံးနိမ့်လဲဆိုတာထက် သင်ဘယ်လောက်အောင်မြင်လဲဆိုတာကိုပဲ လူတွေက အရေးစိုက်ကြတာပါ။

၃။ အသုံးစရိတ်၊ စုဆောင်းမှု နဲ့ ရင်းနှီးမြုပ်နှံမှု

ဒီတစ်ခုကို သင်စိတ်ဝင်စားမှာပါ။ သင့်ရဲ့ငွေကြေးနဲ့ ပတ်သက်ပြီးဘယ်လို စီမံရမယ်ဆိုတာက အရမ်းကိုအရေးကြီးပါတယ်။ ကဲ တွက်ကြည့်ရအောင်။ အသက်(၂၅)နှစ်မှာ စတင်ပြီး တစ်လမှာ ဒေါ်လာ(၂၀၀) စုဆောင်းတယ် ဒါမှမဟုတ် ရင်းနှီးမြုပ်နှံမှုလုပ်တယ် ဆိုကြပါစို့။ သင့်အနေနဲ့ စုဆောင်းရင်းနှီးမြုပ်နှံငွေရဲ့ တစ်နှစ်ကို (၅)ရာခိုင်နှုန်းပဲ ပြန်ရမယ်ဆိုရင်တောင် အသက်(၆၅)နှစ်အရွယ်ရောက်တဲ့အခါမှ စုစုပေါင်း ဒေါ်လာ (၃၀၅၂၀၄) အထိပိုင်ဆိုင်နိုင်မှာဖြစ်ပါတယ်။ ဒီလိုမဟုတ်ပဲ (၂၀)ကျော်အရွယ်နဲ့ (၃၀)အစောပိုင်းကို လစ်လျူရူပြီး (၃၅)နှစ်မှ စတင်စုဆောင်းရင်းနှီးမယ်ဆိုရင်တော့ အသက်(၆၅)နှစ်မှာ ဒေါ်လာ (၁၆၆၄၅၁) လောက်ပဲ ပိုင်ဆိုင်နိုင်မှာ ဖြစ်ပါတယ်။

၎။ စာရေးပါ။

ရည်မှန်းချက်ပန်းတိုင်တွေ ချရေးပါ။ မှတ်စု စာအုပ်မှာ စာရေးပါ။ စာအုပ်တစ်အုပ် ဒါမှမဟုတ် စီးပွားရေးစိတ်ကူးတွေ၊ စီမံချက်တွေ၊ လုပ်ချင်တာတွေ အားလုံးကို ချရေးထားပါ။ ဒီလို ချရေးထားတာဟာ သင့်ရဲ့စိတ်ကူးတွေ အတွေးတွေကိုဖော်ပြဖို့အတွက် အကောင်းဆုံးနည်းလမ်းဖြစ်ပြီး သင့်ဦးနှောက်ကိုလည်း ဆန်းသစ်တီထွင်ဉာဏ်တွေ ဖွံ့ဖြိုးလာစေမှာဖြစ်ပါတယ်။ ပိုပြီး မိုက်တာမျိုးလုပ်ချင်လား? သင်စိတ်ဝင်စားတဲ့ အကြောင်းအရာတစ်ခုနဲ့ပတ်သက်ပြီး မှတ်တမ်း တစ်ခုရေးပါ။

၅။ လေ့ကျင့်ခန်းလုပ်ပါ။ တရားမှတ်ပါ။

ခန္ဓာကိုယ် ကျန်းမာကြံ့ခိုင်ဖို့အတွက် လူတိုင်းလေ့ကျင့်ခန်းလုပ်သင့်ပါတယ်။ လေ့ကျင့်ခန်းလုပ်ဆောင်ခြင်းကြောင့် တစ်နေ့လုံးနေလို့ကောင်းနေမှာဖြစ်ပြီး အခက်အခဲတွေကို ကျော်ဖြတ်ဖို့ ယုံကြည်မှုတွေလည်း ပိုရှိလာစေမှာဖြစ်ပါတယ်။ သင့်ရဲ့ဦးနှောက် ကျန်းမာဖို့အတွက်ကတော့ တရားထိုင်ပေးရမှာ ဖြစ်ပါတယ်။ တရားထိုင်တာက သင့်ရဲ့စိတ်ကို ကြည်လင်လန်းဆန်းစေပြီး မှန်ကန်တဲ့ အတွေးတွေနဲ့ ဆုံးဖြတ်ချက်တွေကို ချမှတ်နိုင်မှာဖြစ်ပါတယ်။ နောက်ထပ်နည်းလမ်းတစ်ခုအနေနဲ့ ယောဂ လေ့ကျင့်မယ်ဆိုရင်လည်း ဖြစ်ပါတယ်။

၆။ မိမိကိုယ်ကို အခြားလူတွေနဲ့ မနှိုင်းယှဉ်ပဲ ကိုယ်ပိုင်စိတ်ကူးအိပ်မက်တွေကို အာရုံစိုက်ပါ။

သင့်ရဲ့သူငယ်ချင်းတွေ မိတ်ဆွေတွေ ဘယ်လိုအလုပ်အကိုင်ကောင်းတွေ လုပ်နေတယ်၊ ဘယ်လိုဝင်ငွေကောင်းနေတယ်ဆိုတာတွေ လိုက်ကြည့်ပြီး ကိုယ့်ကိုယ်ကို စိတ်ပျက်မနေပါနဲ့။ ကိုယ်ပိုင် ရည်မှန်းချက်တွေ၊ စိတ်ကူးအိပ်မက်တွေကိုပဲ အာရုံစိုက်ပါ။ ရည်မှန်းချက်ပန်းတိုင်ဆီကိုရောက်ဖို့ သင်တတ်နိုင်သမျှအရာအားလုံးကို သင်ယူလေ့လာနိုင်ဖို့ လှုပ်ရှားပါ။

၇။ ပေးကမ်းပါ။

အကျိုးကျေးဇူးတစ်စုံတစ်ရာပြန်မရနိုင်တာကြောင့် အပေးအကမ်းမရှိတာမျိုး မဖြစ်ပါစေနဲ့။ ပြန်ရဖို့ကို မျှော်လင့်မနေသင့်ပါဘူး။ လူမှုအဖွဲ့အစည်းကောင်းကျိုးအတွက် ပေးဆပ်ဖို့ကို တစ်စက္ကန့်မှ နှောင့်နှေ့မနေပါစေနဲ့။ ကူညီနိုင်မယ့်နည်းလမ်းတွေအများကြီးရှိပါတယ်။ ငွေကြေးဥစ္စာပေးကမ်းတာမှ မဟုတ်ပါဘူး။ သင်တတ်ထားတဲ့ ပညာတွေကို ဝေမျှသင်ကြားပေးတာမျိုးလည်း လုပ်နိုင်ပါတယ်။

အသက်(၂၀)ကျော်အရွယ် လူငယ်လူရွယ်တွေဟာ အရာအားလုံးကို စွမ်းဆောင်အောင်မြင်နိုင်တယ်လို့ ယုံကြည်ထားပြီး အလေ့အကျင့်ကောင်းတွေကို မွေးမြူတတ်ဖို့အရေးကြီးကြောင်း တိုက်တွန်းလိုက်ပါတယ်။

မူရင်း
👇👇👇👇👇👇👇👇👇👇
https://www.facebook.com/InternationalKing

Credit Page - - - ( ဘဝပန်းတိုင် - အောင်မြင်ရေးနည်းပြ )

arkarkyawsoe251.blogspot.com